S’Reiwerle – Weinstube, Restaurant, Ferienwohnungen

„S’Reiwerle“

Früher ganz aus Holz, war es des Winzers ganzer Stolz.
Es hot gebasst an jedes Fass, doch ohne Vorsicht warn die Hosse nass.
Des Spitzel, des war so gedreht, dass es noch rechts zu öffne geht.
Denn des Holz hot sei Richtung, un jeder Zäppler sei Verpflichtung.
De Jakob owends froh un munder ging als in sein Keller nunner –
zu dem Reiwerle aus Holz, un dreht am Zäppel voller Stolz.
Doch im Dunkle voller Graus fiels ihm aus de Hand heraus !
Nun war de Jakob schwer in Not, heraus lief jetzt sei flüssich Brot.
Er fuschelte halt hi und her, im Dunkle war des furchtbar schwer
des Reiwerle zu finne !
Er rief de Marie noch un nöcher, doch in de Deck do warn kä Löcher.
Awwer inzwische fand er doch am große Fass des kläne Loch.
Er drückt den Strahl mi’m Finger ab, die Marie kummt die Trepp herab.
Sie macht schnell Licht un sieht in Not de Jakob, weiß schun wie de Tod.
Er saß vorm Fass uff seine Knie, die Kräfte warn schun bald dehie –
vor lauter drücke uff des Loch, macht er in die Hosse noch !
Des war des End vun der Geschicht, in de Zukunft macht de Jakob Licht !
Do braucht er nit Marie se rufe un kann sein Wei‘ in Ruh versuche.

Nun, wissen Sie jetzt, was ein „REIWERLE“ ist ?

Das könnte Sie interessieren

…